Tveimur leikjum var að ljúka í 5. umferð ensku úrvalsdeildarinnar í dag. Manchester United kom til baka gegn West Ham og sigraði og Brighton hafði betur gegn Leicester.
West Ham tók á móti Manchester United á London Stadium. Leikurinn byrjaði nokkuð rólega en Benrahma kom West Ham yfir þegar hálftími var liðinn af leiknum. Ronaldo jafnaði metin aðeins fimm mínútum síðar en hann var ansi hættulegur í leiknum og ógnaði mikið. Lokamínúturnar í leiknum voru ótrúlegar en Lingard kom gestunum yfir undir lok leiks með frábæru marki en hann var nýkominn inn á. West Ham fékk vítaspyrnu í uppbótartíma og var Mark Noble skipt inn á til að taka spyrnuna en David de Gea varði spyrnuna og tryggði Manchester United þrjú stig.
West Ham 1 – 2 Manchester United
1-0 S. Benrahma (´30)
1-1 C. Ronaldo (´35)
1-2 J. Lingard (´89)
Þá tók Brighton á móti Leicester. Brighton var miklu betra liðið í fyrri hálfleik og litu leikmenn Leicester út fyrir að vera þreyttir en þeir spiluðu í Evrópudeildinni á fimmtudag. Maupay kom Brighton yfir á 35. mínútu úr vítaspyrnu. Danny Welbeck tvöfaldaði forystu heimamanna snemma í seinni hálfleik með skalla.
Jamie Vardy minnkaði muninn rúmum tíu mínútum síðar eftir frábæran bolta frá Tielemans. Lookman jafnaði stuttu síðar en markið var dæmt af vegna rangstöðu á Harvey Barnes. Ndidi kom boltanum í netið undir lok leiks en markið var aftur dæmt af vegna rangstöðu á Barnes. Lokatölur því 2-1 fyri Brighton.
Brighton 2 – 1 Leicester
1-0 N. Maupay (´35)
2-0 D. Welbeck (´50)
2-1 J. Vardy (´61)
