Kári Stefánsson, forstjóri ÍE, telur að ekki muni koma fram meira smitandi afbrigði af kórónuveirunni en Delta-afbrigðið. Hann segir frá þessu í viðtali við TV2 í Noregi en RÚV greinir einnig frá.

„Ég held að delta-afbrigðið verði mest smitandi afbrigði sem við munum sjá. Við ættum ekki að hafa áhyggjur af því að kórónuveiran eigi eftir að stökkbreytast og þróast í enn meira smitandi afbrigði en það,“ segir Kári.

Kári segir enn fremur í viðtalinu að hann bindi vonir við að bóluefnaframleiðendur séu að þróa betra bóluefni sem komi í veg fyrir smit. Bóluefnin sem eru í  notkun komi í veg fyrir alvarleg veikindi en við þurfum bóluefni sem komi í veg fyrir smit:

„Við þurfum slíkt bóluefni. Ef það tekst getum við kvatt þessa veiru fyrir fullt og allt.“