Átta leikjum lauk fyrir stuttu í fyrstu umferð riðlakeppni Evrópudeildarinnar.
Galatasaray 1-0 Lazio
Galatasaray sigraði Lazio. Eina mark leiksins kom þegar Thomas Strakosha setti boltann í eigið net á 65. mínútu.
Lokomotiv 1-1 Marseille
Lokomotiv og Marseille gerðu 1-1 jafntefli í Rússlandi.
Gengiz Under kom gestunum yfir eftir tæpan klukkutíma leik með marki af vítapunktinum. Faustino Anjorin jafnaði fyrir Lokomotiv í lok leiks.
Skömmu fyrir mark Under fékk Nayair Tiknizyan, leikmaður heimamanna, rautt spjald.
Midtjylland 1-1 Ludogorets
Midtjylland og Ludogorets gerðu 1-1 jafntefli í Danmörku.
Gustav Isaksen kom heimamönnum yfir snemma leiks. Kiril Despodov jafnaði eftir rúman hálftíma.
Rauða Stjarnan 2-1 Braga
Rauða Stjarnan tók á móti Braga í Serbíu.
Mörkin létu bíða eftir sér. Milan Rodic kom heimamönnum yfir á 75. mínútu. Wenderson Galeno svaraði um hæl með jöfnunarmarki fyrir Braga.
Aleksandar Katai skoraði svo sigurmark Rauðu Stjörnunnar á 85. mínútu með marki af vítapunktinum.
Leverkusen 2-1 Ferencvaros
Leverkusen vann 2-1 sigur á Ferencvaros. Leikið var á heimavelli þeirra fyrrnefndu.
Ryan Mmaee kom gestunum yfir á 8. mínútu. Exequiel Palacios jafnaði metin hálftíma síðar.
Sigurmark leiksins skoraði Florian Wirtz fyrir Leverkusen á 69. mínútu.
Real Betis 4-3 Celtic
Real Betis tók á móti Celtic og sigraði í miklum markaleik.
Skotarnir komust í 0-2 á fyrsta hálftímanum með mörkum frá Albian Ajeti og Josip Juranovic, sem skoraði úr víti.
Fyrir hálfleik tókst Betis hins vegar að jafna með mörkum frá Juan Miranda og Juanmi.
Borja Iglesias kom Betis í 3-2 á 51. mínútu áður en Juanmi skoraði sitt annað mark og tvöfaldaði forystu þeirra stuttu síðar.
Anthony Ralston minnkaði muninn fyrir Celtic í 4-3 seint í leiknum.
Dinamo Zagreb 0-2 West Ham
West Ham vann góðan 0-2 útisigur á Dinamo Zagreb.
Michail Antonio kom þeim yfir á 21. mínútu eftir að hafa komist í boltann í kjölfar mistaka varnarmanns Dinamo.
Declan Rice gerði svo annað mark West Ham á 50. mínútu.
Rapid Wien 0-1 Genk
Genk vann Rapid Wien á útivelli.
Eina mark leiksins skoraði Paul Onuachu í blálokin.
