Franskir fjölmiðlar telja næsta víst að Lionel Messi og Neymar stígi sinn fyrsta dans saman hjá PSG í vikunni. Liðið mætir þá Club Brugge í Meistaradeildinni.
Neymar og Messi hafa ekki byrjað saman hjá PSG en þeir náðu vel saman hjá Barcelona á árum áður.
Búist er við að Mauricio Pochettinho setji allar stjörnurnar saman í framlínu PSG í Belgíu á miðvikudag.
Messi á eftir að byrja sinn fyrsta leik með PSG en það gæti komið á miðvikudag. Lið PSG er afar vel mannað í ár og til alls líklegt í keppni þeirra bestu.