Craig Bellamy hefur látið af störfum sem U-21 árs þjálfari Anderlecht vegna andlegra veikinda. Vincent Kompany, þjálfari Anderlecht og fyrrum liðsfélagi Bellamy hjá Manchester City hefur staðfest þetta.
Bellamy lék hátt í 300 deildarleiki og 78 landsleiki með Wales á sínum tíma en kappinn hefur glímt við þunglyndi um árabil. Bellamy, sem er 42 ára gamall, hefur nú fengið tíma til kljást við þennan sjúkdóm sem hrjáir 264 milljónir manna um allan heim samkvæmt heimasíðu WHO.
„Craig var einstakur þjálfari og manneskja. Hann hefur átt stóran þátt í þróun leikmanna eins og (Jeremy) Doku, (Yari) Verschaeren og (Albert) Sambi (Lokonga),“ sagði Kompany í samtali við hollenska fjölmiðilinn HLN.
„En þunglyndisófreskjan er komin aftur og við þurfum að gefa Craig tíma til að ná fullum bata. Hann setti sjálfum sér tímamörk en tókst ekki að ná þeim. Heilsa er mikilvægari en fótbolti. Dyrnar verða alltaf opnar.“
