Nicolas Pepe, vængmaður Arsenal, setti inn færslu á samfélagsmiðla í gær eftir sigurleikinn gegn Norwich þar sem hann hæddist að liði sínu.

Arsenal hafði tapað fyrstu þrem leikjum sínum á tímabilinu en vann Norwich á Emirates vellinum á laugardag og þrjú kærkomin stig komin í hús.

Það var Pierre-Emerick Aubameyang sem skoraði sigurmarkið en enginn skapaði fleiri færi í leiknum en Nicolas Pepe.

Fílabeinsstrendingurinn setti inn færslu á Instagram eftir leikinn: „Við höldum okkur uppi!! Takk fyrir allan stuðninginn Arsenal aðdáendur.“

Hann vísaði þar í söngva sem aðdáendur Arsenal sungu á pöllunum í gær og gerði grín að liðinu fyrir að vera í fallbaráttu eftir þrjár umferðir.

Mikel Arteta sagði eftir leik að hann hefði ekki heyrt söngvana. „Ég heyrði þetta ekki en ef þetta var gert á fyndinn hátt verður maður að sætta sig við það.“