Um klukkan hálf fjögur í nótt var bifreið ekið á ljósastaur í Breiðholti. Ökumaðurinn er grunaður um að hafa verið undir áhrifum fíkniefna og ítrekaðan akstur án gildra ökuréttinda. Bifreið hans var fjarlægð með dráttarbifreið og Orkuveitunni gert viðvart um tjón á staurnum.

Á fyrsta tímanum í nótt var ökumaður handtekinn í miðborginni en skömmu fyrir handtökuna hafði verið tilkynnt að hann hefði ekið á bifreið og af vettvangi. Hann er grunaður um ölvun við akstur. Hann var vistaður í fangageymslu.

Þessu til viðbótar voru tveir ökumenn handteknir síðdegis í gær grunaðir um að vera undir áhrifum fíkniefna.