Covid smit er í herbúðum kvennaliðs Breiðabliks en enginn þarf að fara í sóttkví vegna þess. Liðið mætir Osijek í Meistaradeildinni á morgun.

Fyrri leikurinn fór fram ytra og endaði með 1-1 jafntefli en sigurvegarinn í einvíginu fer áfram í riðlakeppninni.

Tilkynning frá knattspyrnudeild Breiðabliks
Einn leikmaður úr meistaraflokki kvenna hjá Breiðablik greindist með Covid-19 í gær.

Unnið hefur verið með sóttvarnaryfirvöldum að málinu og er niðurstaðan sú að enginn leikmaður þarf að fara í sóttkví.
Leikur Breiðabliks og Osijek í meistaradeild kvenna mun fara fram á morgun, fimmtudaginn 9. september á Kópavogsvelli kl. 17:00.

Um er að ræða einn stærsta leik félagsins í sögunni og hvetjum við alla til að fylkja sér á bakvið liðið og mæta á völlinn og styðja stelpurnar.