Lionel Messi var kynntur til leiks á fréttamannafundi í París í dag en þessi magnaði knattspyrnumaður skrifaði undir tveggja ára samning við félagið í gær.
PSG ætlar sér stóra hluti í Meistaradeildinni og eru kaupin á Messi stórt skref í átt að því markmiði.
Hér að neðan er allt það helsta frá fréttamannafundi Messi í París:
Um brotthvarfið frá Barcelona:
„Allt sem hefur gerst síðustu vikuna hefur verið erfitt, þetta gerðist hratt og tók á andlega. Ég er spenntur fyrir þessu nýja lífi með fjölskyldu minni. Ég er mjög glaður, ég hef farið upp og niður þessa vikuna en þetta er að lagast.“
„Þeir þekkja mig hérna og vita að ég vil vinna, ég er sigurvegari.“
Messi um Pochettino:
„Þjálfarinn og þjálfaraliðið var stór hluti af mínum viðræðum, þegar ég sá að þetta var möguleiki þá ræddi ég strax við hann. Ég hef þekkt hann lengi, það að við séum báðir frá Argentínu hjálpaði mikið. Við ræddum saman og það hjálpaði til við ákvörðun mína.“
Messi um Neymar:
„Ég þekki hann vell, ég get ekki beðið eftir því að spila með öllum liðsfélögum mínum. VIð höfum allir sama markmið, ég og Neymar erum betri saman. Neymar var ein af ástæðum þess að ég kom, ég þekki alla liðsfélaga mína. Við höfum allir tekist á innan vallar.“
Af hverju PSG?
„Þetta er félag sem hefur keypt vel inn í sumar, þeir voru nálægt því að vinna Meistaradeildina undanfarin ár. Ég kom hér til að gera mitt besta við að hjálpa til við það. Mitt markmið er að vinna Meistaradeildina aftur og þetta er rétti staðurinn.“
Hvenær verður fyrsti leikurinn?
„Ég hef ekki spilað í mánuð, ég hef rætt við þjálfaraliðið. Þegar ég er klár í að spila þá mun ég spila, ég get ekki gefið upp dagsetningu.“
