Rætt var um mismunandi viðskiptamódel í íslenskum fótbolta í nýjasta þætti Doktor Football í gær. Björn Berg og Höfðinginn, Kristján Óli Sigurðsson voru gestir Doktorsins í þættinum. Lið KR og Breiðablik voru meðal annars til umræðu.

Aðspurður hvort KR ætti að byrja að tefla fram yngra liði sagði Björn Berg að það væri ákveðið áhyggjuefni hvernig leikmannahópurinn er samsettur hjá KR en margir lykilleikmenn liðsins eru komnir yfir þrítugt.

„Það hefur verið ákveðið ströggl að halda leikmönnum inn í þennan aldur: 20 til 23. ára , þannig að þeir fari að spila. Þannig að endurnýjunin hefur verið kannski svolítið brengluð,“ sagði Björn Berg.

Björn talaði um mismunandi leiðir til að græða á leikmanni. Ein leiðin er að fylgja eftir leikmönnum seinna á ferlinum, þá að þegar að íslenskur leikmaður gerir samninga hér og þar við erlend félög að þá berst smá greiðsla til íslensku klúbbana.

„Þessir peningar eru alveg alvöru. Þannig að það sem þú þarft að reyna að gera ef þú ætlar að reyna að reka klúbbinn þinn þokkalega þá er það hafa þannig balans að nógu margir af þessum strákum haldi áfram til þess að liðið sé þokkalegt, en að sama skapi að þú sért með þetta færiband í gangi vegna þess að þetta getur orðið raunverulegur tekjustofn hjá íslenskum liðum … ættu þá burðugri félögin eins og KR og aðrir að vera með þetta sem skýrari stefnu að ná í þessa stráka sem að Blikarnir hafa verið að gera svo vel? Ég held að það sé alveg góður punktur.“ sagði Björn.

Þáttinn má heyra í heild sinni í spilaranum hér að neðan.