Leikkonan og hertogaynjan Meghan Markle fagnar 40 ára afmæli í dag. Í tilefni dagsins bjó hún til myndband ásamt vinkonu sinni, Melissa McCarthy, og hefur það vekið mikla athygli vestanhafs og í Bretlandi.

Í myndbandinu segist hún hafa beðið 40 konur um það að nýta 40 mínútur af tíma sínum í að hjálpa einhverri konu sem þarf hjálp eða leiðbeiningar.

Hún tekur fram að milljónir kvenna hafi misst vinnuna sína í kjölfar heimsfaraldursins og því þurfi konur að standa saman og hjálpa hvorri annarri.

Í myndbandinu ræða þær mögulegt vináttuhúðflúr og Suits-endurfundi en Meghan skaust upp á stjörnuhimininn með leik sínum í þáttunum. Hún yfirgaf þá stuttu eftir að hún kynntist Harry Bretaprins.

Talandi um Harry þá átti hann ansi óvænta innkomu í myndbandinu. Í lok þess má sjá nokkur klúður úr tökum þess og í einni klippunni sést í Harry labba framhjá glugga fyrir aftan Meghan að halda boltum á lofti. Við að sjá það fer Melissa að hlæja.

Meghan eignaðist dóttur í byrjun júní á þessu ári en hún heitir Lilibet Diana Mountbatten-Windsor og er því skírð í höfuðið á ömmu sinni og langömmu. Þau hjónin hafa aldrei birt mynd af henni en talið er að sjá megi glitta í mynd af henni á skrifborði Meghan í myndbandinu.

Myndbandið má sjá í heild sinni hér fyrir neðan.