Samkvæmt Daily Mail mun Jack Grealish ganga til liðs við Manchester City frá Aston Villa í dag. Englandsmeistararnir munu borga 100 milljónir punda fyrir þjónustu leikmannsins.
Hinn 25 ára gamli Grealish mun mæta til Manchester í dag til þess að skrifa undir hjá Man City.
Kaupverðið er það hæsta sem hefur sést innan Bretlands.
Grealish mætti til æfinga hjá Villa í byrjun vikunnar, af virðingu við sitt gamla félag. Nú er hann þó á förum.
Man City vill einnig fá Harry Kane, framherja Tottenham, í sínar raðir. Kane hefur ekki mætt til æfinga hjá liði sínu í vikunni.
Þrátt fyrir það þá gæti orðið erfitt fyrir Man City að fá Kane. Það er talið að það þurfi um 150 milljóna punda tilboð til þess einungis að Tottenham íhugi það að leyfa leikmanninum að fara.
