Donald Trump, fyrrum forseti Bandaríkjanna, hefur sett eina af þyrlum sínum til sölu. Hann tilgreinir ekki hvað hann vilji fá fyrir þyrluna en vill að áhugasamir sendi inn tilboð. TMZ greinir frá.
Þyrlan er af tegundinni 1990 Sikorsky S76-B og selst venjulega á í kringum milljón dollara eða um 123 milljónir króna. Þyrlan er til sölu hjá Aero Asset en í þyrlunni má finna gulllituð handföng, gulllituð sætisbelti og leðursæti.
Ef þú átt auka 123 milljónir og vantar þyrlu þá gætir þú eignast þennan dýrindisgrip en ekki er líklegt að margir Íslendingar falli inn í þennan hóp.