78 smit greindust í gær. Þetta kemur fram í uppfærðum tölum á Covid.is. 59 af þessum voru utan sóttkvíar við greiningu.
52 af þeim smituðu voru fullbólusettir, fimm voru hálfbólusettir og 18 óbólusettir. Tvö smit greindust á landamærunum.
723 einstaklingar eru nú í sóttkví og 287 í einangrun. Enn sem komið er liggur aðeins einn inni á sjúkrahúsi. Nýgengi innanlandssmita er nú 63,5 en á landamærunum 16,1.
Í gær greindust 56 smit innanlands, þar af voru 38 utan sóttkvíar við greiningu. Það var það hæsta sem Ísland hefur séð á þessu ári.
Upplýsingafundur um stöðu mála fer fram klukkan 11 í dag.
