Katrín Jakobsdóttir segir nýjar takmarkanir taki gildi í næstu viku en einungis á landamærunum. Hún ræddi minnisblað Þórólfs Guðnasonar sóttvarnalæknis á ríkisstjórnarfundi í dag en Svandís Svavarsdóttir heilbrigðisráðherra var fjarverandi.
Þeir sem koma hingað til lands og eru bólusettir þurfa að sýna fram á neikvætt próf við komuna. Sömu reglur gilda áfram um óbólusetta en þeir fara í skimun á landamærum og í fimm daga sóttkví.
Engar tillögur bárust frá Þórólfi varðandi innanlandsaðgerðir. Mikil aukning hefur verið í smitum seinustu daga en engin alvarlega veikindi.
Mælt er með að þeir sem koma til Íslands og eru með tengslanet hér á landi fari í skimun innan sólarhrings frá komu.
