Áhrifavaldurinn og einkaþjálfarinn Edda Falak hefur birt skjáskot af kröfubréfinu sem henni barst frá lögmanninum Vilhjálmi H. Vilhjálmssyni, fyrir hönd skjólstæðings hans, Ingólfs Þórarinssonar tónlistarmanns, öðru nafni Ingó Veðurguð.
Edda er í hópi fimmmenninga sem fá kröfubréf vegna fréttaflutnings- og eða ummæla um Ingó Veðurguð og ásakanir á hendur honum um kynferðislega áreitni. Í bréfinu er Edda krafin um þrjár milljónir króna í skaðabætur og opinbera afsökunarbeiðni vegna eftirfarandi ummæla:
„Það var þjóðþekktur maður sem naugðaði mér þegar ég var 17 ára.“
Athygli vekur að Ingó er ekki nefndur á nafn í þessum ummælum Eddu. Sjálf segir hún um þetta á Twitter:
„Það að þú og aðrir tengi þig við mína sögu kemur mér nákvæmlega ekki neitt við.“
Skjáskotið af hluta kröfubréfsins er hér að neðan:
Það að þú og aðrir tengi þig við mína sögu kemur mér nákvæmlega ekki neitt við. pic.twitter.com/nQF2VHWzJf
— Edda Falak (@eddafalak) July 15, 2021
