Jadon Sancho verður næst launahæsti leikmaður Manchester United þegar hann skrifar undir samning sinn við félagið á næstu dögum.
Hans-Joachim Watzke stjórnarformaður Borussia Dortmund hefur staðfest sölu félagsins á Jadon Sancho til Manchester United. Félögin náðu saman um kaupverð í fyrradag. United staðfesti kaup sín einnig í gær.
Enski kantmaðurinn hefur verið á óskalista United í rúmt ár en United borgar 73 milljónir punda fyrir Sancho. Dortmund heimtaði 108 milljónir punda fyrir Sancho fyrir ári síðan, en United vildi ekki borga slíka upphæð.
Sancho hefur lengi átt sér þann draum að ganga í raðir Manchester United og The Athletic hefur nú opinberað SMS skilaboð sem Sancho sendi á Marcus Rashford fyrir ári síðan.
„Getur þú beðið Ed um að borga þessa upphæð?,“ sendi Sancho á Rashford í skilaboðum sem The Athletic hefur undir höndum.
Þar á Sancho við Ed Woodward stjórnarformann United sem neitaði að borga 108 milljónir punda fyrir ári og fékk Sancho miklu lægri upphæð í ár eða 35 milljónum punda minna en Dortmund ætlaði sér.
