Tveir leikir hafa farið fram í 8. umferð Pepsi Max-deildar kvenna það sem af er kvöldi.

Illa farið með vítin er Þróttur vann ÍBV

ÍBV tók á móti Þrótti Reykjavík á Hásteinsvelli í Vestmannaeyjum. Leiknum lauk með sigri Þróttar.

Delaney Baie Pridham kom heimakonum yfir á 25. mínútu. Hún fékk tækifæri til að tvöfalda forystu síns liðs af vítapunktinum í lok fyrri hálfleiks en Íris Dögg Gunnarsdóttir í marki Þróttar varði.

Linda Líf Boama jafnaði fyrir Þrótt snemma í seinni hálfleik. Ólöf Sigríður Kristinsdóttir kom gestunum yfir þegar um tíu mínútur lifðu leiks. Hún fékk þá víti, sem henni tókst ekki að skora úr, hún fylgdi hins vegar eftir og kom boltanum í markið.

ÍBV fékk enn eitt vítið í blálokin. Þá steig Liana Hinds á punktinn en tókst ekki að skora. Lokatölur 1-2 fyrir gestina.

Þróttur er í fjórða sæti deildarinnar með 12 stig. ÍBV er í sjöunda sæti með 9 stig.

Markalaust fyrir norðan

Þór/KA og Fylkir gerðu jafntefli í fremur bragðdaufum leik á Akureyri.

Fylkir er í áttunda sæti deildarinnar með 9 stig. Þór/KA er sæti neðar með stigi minna.