Á tólfta tímanum í gærkvöldi var maður handtekinn í Vesturbænum grunaður um endurtekið áreiti. Hann var í annarlegu ástandi og var vistaður í fangageymslu.
Á öðrum tímanum í nótt hafði lögreglan afskipti af tveimur ofurölvi mönnum fyrir framan veitingahús í Bústaðahverfi. Annar þeirra er talinn hafa dottið og hlotið áverka á hné og höfuð. Hann var fluttur með sjúkrabifreið á bráðadeild. Hinn maðurinn var handtekinn og vistaður í fangageymslu.
Einn ökumaður var handtekinn í nótt í Hafnarfirði en hann er grunaður um að hafa verið undir áhrifum áfengis og fíkniefna.
