Chris Smalling fyrrum varnarmaður Manchester United og eiginkona hans Sam Smalling fullyrða að þau hafi séð fljúgandi furðuhlut í gær. Hjónin eru stödd á Jamaíka í sumarfríi og segjast hafa orðið vör við fljúgandi furðuhlut þar í landi.
Sam skrifar um málið á Instagram síðu sinni þar sem hann hún fer yfir málið, hún segir að parið hafi ekki verið búið að borða ofskynjunar sveppi. Hún segir að furðuhluturinn hafi komið ansi nálægt þeim en skotist svo aftur upp í skýin.
Sam er fyrirsæta frá Manchester en hún segir að parið hefði getað tekið mynd af hlutnum til að byrja með en hafi verið í of miklu áfalli.
„Þegar það var komið upp í skýin var hluturinn of lítill til að ná á mynd, Chris sá það samt hreyfast og hvernig ljósin breyttust,“ skrifar Sam.
„Þetta var mjög stórt og með ljós allan hringinn, þetta var ekki dróni. Þetta var alveg ruglað. Hefur einhver séð eitthvað svipað. Ég fæ ekkert út úr því að segja frá þessu, kannski halda sumir að ég sé klikkuð.“
