BBC er á meðal erlendra miðla sem fjallar um gosið í Fagradalsfjalli. Þar segir meðal annars að ekki sé búist við því að gosið valdi miklu öskufalli og reykmengun og ætti ekki að trufla flug. Er mikilvægt að slíkar upplýsingar komi fram í víðlesnum breskum fjölmiðli en breskir ferðamenn urðu ekki síst fyrir barðinu á gosinu í Eyjafjallajökli árið 2010.
The Guardian fjallar einnig um gosið og segir að almenningi sé ráðlagt að halda sig frá gosinu. Segir að gosið eigi sér stað um 40 km frá höfuðborginni Reykjavík. Segir að rautt ský hafi uppljómast á næturhimninum og flugumferð hafi verið stöðvuð. Það mun þó ekki vera rétt því Keflavíkurflugvöllur er opinn eins og venjulega.
Segir ennfremur í Guardian að þó að Keflvíkurflugvöllur og fiskiþorpið Grindavík séu nálægt eldsupptökum séu hvorki mannvirki né byggð í hættu.
Í Berlinske Tiderne í Danmörku segir að lokað sé fyrir alla flugumferð til Íslands vegna gossins. En þetta er ekki rétt. Segir að gosið sé nálægt höfuðstað Íslands, Reykjavík.
