Fólk hefur komist að framhjáhaldi maka síns á margvíslega vegu. Eins og konan sem skoðaði matargagnrýni í Washington Post og komst að því að eiginmaðurinn væri henni ótrúr. Eða konan sem setti upp forrit í síma eiginmanns síns til að lesa skilaboðin hans.
Nadia Essex, sem er stefnumóta- og sambandssérfræðingur í breska raunveruleikaþættinum Celebs Go Dating, deilir ótrúlegri sögu sinni í myndbandi á TikTok. Hún og kærasti hennar áttu bæði FitBit heilsu- og snjallúr og úrin voru stillt saman (e. synched)
„Ég ákvað að búa til morgunmat handa fyrrverandi kærasta mínum eftir að hann kom heim eftir að hafa farið út að skemmta sér með strákunum,“ segir Nadia.
En um leið og hún fór fram úr rúminu fékk hún meldingu á snjallúrið sitt.
„Við vorum búin að stilla heilsuúrin okkar saman. Ég fékk meldingu á FitBit úrið mitt um að hann hefði brennt yfir 500 kaloríum milli klukkan tvö og þrjú um nóttina.“
Það er óhætt að segja að kærastinn hafi aldrei fengið morgunmatinn sinn.
@ladynadiaessex#stitch @megan_boykoff #breakupstory 😂♬ Oh No – Kreepa
Ef þetta er kunnuglegt þá manstu kannski eftir sögu Jane Slater, íþróttafréttamannsins á NFL. Hún kom upp um framhjáhald kærasta síns með því að fylgjast með virkninni á FitBit úrinu hans.
An Ex Boyfriend once got me a Fitbit for Christmas. I loved it. We synched up, motivated each other… didn’t hate it until he was unaccounted for at 4am and his physical activity levels were spiking on the app 🥴wish the story wasn’t real. https://t.co/npRkLJYYz0
— Jane Slater (@SlaterNFL) December 5, 2019
