Það var nóg um að vera hjá lögreglunni í nótt, sérstaklega í miðbænum. Þetta kemur fram í dagbók lögreglu. Skömmu fyrir kvöldmatarleytið var maður stöðvaður af lögreglu eftir að hafa stoltið matvöru úr verslun fyrir 25 þúsund krónur. Maðurinn viðurkenndi brotið í skýrslutöku lögreglu.
Tvö brot í gærkvöldi tengdust veitingastöðum. Kona nokkur var handtekin í annarlegu ástandi á veitingahúsi en koan hafði neitað að greiða reikning sinn á staðnum og vildi ekki gefa lögreglu nafn sitt eða kennitölu. Sökum ástandsins sem konan var í þá var hún vistuð í fangageymslu lögreglu. Hitt brotið sem um ræðir varðar sóttvarnarlög en gestir voru enn inni á veitingastað í miðbænum þegar klukkan var orðin rúmlega ellefu.
Í Hlíðunum var tilkynnt um líkamsárás. Átökin urðu í kjölfarið að maður tók mynd af konu annars manns, maður konunnar var ósáttur með að maðurinn væri að taka myndirnar. Þá var einnig tilkynnt um þjófnað í bílakjallara í fjölbýlishúsi í Hlíðunum, farið var í bifreið og GPS tæki, sjónauka og fleira var stolið.
Þá var mikið um umferðarlagabrot í gærkvöldi en sex bifreiðar voru stöðvaðar, meirihluti ökumannana sem voru stöðvaðir voru grunaðir um akstur undir áhrifum fíkniefna. Einn þeirra var aðeins 17 ára gamall og var málið því unnið með aðkomu móður og Barnaverndarnefndar.
