Tyrell Robinson fyrrum leikmaður Arsenal hefur verið dæmdur í fangelsi fyrir að misnota 14 ára stúlku., leikmaður Bradford City á Englandi hefur verið rekinn frá félaginu. Hann er sakaður um að hafa misnotað barn kynferðislega.
Robinson játaði því fyrir dómi að hafa stundað kynlíf með 14 ára stúlku, þá tók hann mynd af tveimur nöktum 14 ára stúlkum sem voru upp í rúmi með vini hans.
Robinson og vinur hans Korie Berman fengu þrjár 14 ára stelpur í íbúð hans árið 2018 þegar hann lék með Bradford.
Knattspyrnumaðurinn fyrrverandi var dæmdur í þriggja og hálfs árs fangelsi. Robinson og vinur hans voru tvítugir þegar atvikið átti sér stað en þeir vissu að stúlkurnar væru 14 ára gamlar.
Robinson er 23 ára gamall en Bradford rifti samningi hans um leið og ákæra var gefinn út. Robinson ólst upp hjá Arsenal en gekk í raðir Bradford árið 2017.
Berman vinur hans var dæmdur í sex ára fangelsi en stúlkurnar höfðu aðgang að áfengi á heimili þeirra. Robinson hafði boðið stelpunum í heimsókn, fyrir dómi kom fram að hann hefði sent einni þeirri skilaboð. „Þú ert falleg en aldurinn þinn er smá vesen,“ sagði Robinson, meðvitaður um aldurinn á stelpunum en það stoppaði hann ekki.
