Bardagakappinn Conor McGregor og vinstri bakvörðurinn Kieran Tierney, leikmaður Arsenal, eru miklir mátar þrátt fyrir mismunandi áherslur hvað frægð og frama varðar.
Conor McGregor er stærsta nafnið í bardagaheiminum. Hann nýtir hvert einasta tækifæri í sviðsljósinu, er með vélbyssukjaft og hikar ekki við að láta andstæðinginn heyra það.
Kieran Tierney, leikmaður Arsenal er lítið fyrir frægðina, hlédrægur, en skilur allt eftir inn á vellinum. Áður en Tierney gekk til liðs við Arsenal var hann á mála hjá Celtic, það var þar sem tenging náðist milli hans og Conor McGregor en bardagakappinn er stuðningsmaður liðsins.
Félagarnir hittust fyrst á UFC bardagakvöldi sem var haldið í Belfast á Írlandi, þar fengu þeir tækifæri til þess að spjalla saman urðu mestu mátar. Tierney sendi McGregor meðal annars áritaða Celtic treyju.
McGregor hefur áður sagt í viðtali að Tierney sé hans uppáhalds leikmaður, það var fljótlega eftir að Tierney hafði skrifað undir samning við Arsenal.
„Það er ungur strákur að nafni Kieran Tierney, hann var fyrirliði Celtic og spilar nú fyrir Arsenal. Hann hefur verið mikill stuðningsmaður minn og hann er stórkostlegur knattspyrnumaður,“ sagði Conor McGregor, aðspurður um það hver væri hans uppáhalds knattspyrnumaður.