Þau gleðilegu tíðindi berast að engin innanlandssmit af COVID-19 greindust í gær. Upplýsingar á covid.is eru ekki uppfærðar um helgina en mbl.is hefur eftir Þórólfi Guðnasyni sóttvarnalækni að engin innanlandssmit hafi greinst en fjórir greindust á landamærum.
Gífurleg fjölgun smita á landamærum undanfarið hafa vakið miklar áhyggjur en reglur hafa nú verið hertar á þann veg að skimun er skylda, ekki er hægt að losna við hana og fara í 14 daga sóttkví. Um tvöfalda skimun er að ræða, fyrst á landamærum og síðan fimm dögum síðar. Engin trygging er hins vegar fyrir því að farþegar haldi sóttkví í dagana fimm á milli. Ný og meira smitandi afbrigði veirunnar hafa greinst á landamærum en ekki breiðst út um samfélagið enn sem komið er.
