Árið hefur heldur betur verið skrautlegt. Stærri sem og smærri mál vöktu athygli. Svo voru það furðulegu málin sem gerðu allt vitlaust á samfélagsmiðlum, eins og baðhergisvaskar Kim Kardashian.

Raunveruleikastjarnan veitti innsýn inn í glæsihýsi sitt í Kaliforníu í fyrsta sinn í myndbandi fyrir tímaritið Vogue í apríl.

Fjölmargir klóruðu sér í höfðinu yfir baðherbergisvöskunum. Ástæðan var sú að það virtust ekki vera neinir vaskar, heldur aðeins blöndunartæki.

Það er óhætt að segja að það hafi orðið mikil umræða á samfélagsmiðlum um vaskana, eða skorts á þeim það er að segja. Ýmsar kenningar voru settar fram og endaði Kim með að útskýra hvernig vaskarnir virka.

Sjáðu myndbandið hér að neðan.