Barcelona mætir Dynamo Kyiv í Meistaradeildinni á morgun. Lionel Messi og Frenkie de Jong verða ekki í leikmannahópi Barcelona.
Ronald Koeman stjóri Barcelona segir þá þurfa hvíld. „Við munum verða án nokkurra leikmanna vegna meiðsla og höfum ákveðið að taka hvorki Messi né Frenkie með vegna þess að staða okkar í Meistaradeildinni er nokkuð góð,“ sagði Koeman við Sky sports.
„Þessir tveir leikmenn hafa spilað mikið af leikjum undanfarið. Við teljum þetta góða tímasetningu til að hvíla þá,“ segir Koeman.
Barcelona er með níu stig eftir þrjá leiki og er á toppnum í sínum riðli í Meistaradeildinni.
Staða liðsins í spænsku deildinni er ekki eins góð. Liðið er í 12. sæti með 11 stig eftir átta leiki.
