Klukkan að ganga tvö í nótt aðstoðaði lögregla sjúkralið vegna manns sem hafði lent í slysi utandyra í Reykjavík. Maðurinn var fluttur á slysadeild með minniháttar áverka. Þetta kemur fram í dagbók Lögreglunnar á höfuðborgarsvæðinu.
Þar segir að nóttin hafi verið fremur róleg hjá lögreglu.
Laust eftir klukkan eitt í nótt var tilkynnt um rúðubrot á Laugavegi. Málið er í rannsókn.
Nokkrar tilkynningar bárust um hávaða í heimahúsum og voru þau mál leyst á staðnum með atbeina lögreglu.
