„Ég er orðinn þreyttur á því að vera alltaf stærsta vandamál félagsins,“ sagði Lionel Messi þegar hann kom til Barcelona í fyrradag. Ástæðan eru ummæli frá aðila tengdum Antoine Griezmann framherja félagsins.
Stuðningsmenn Barcelona eru ekki sáttir með að Griezmann og þá staðreynd að aðilar tengdir honum geri lítið úr Messi. Þegar Griezmann yfirgaf æfingasvæði félagisns í gær var fjöldi stuðningsmanna fyrir utan.
Þeir gerðu atlögu að bíl þessa franska sóknarmanns og öskruðu á hann að bera virðingu fyrir Messi.
Griezmann sagði frá því á síðasta ári að hann ætti í vandræðum með að tengjast Messi og að samskipti þeirra á milli væru varla til staðar.
Frændi hans steig svo fram í vikunni og sagði að æfingar Barcelona snérust aðeins um það að láta Messi líta vel út. Griezmann hefur ekkert getað eftir að félagið keypti hann á rúmar 100 milljónir evra.
Atlöguna að bílnum hans má sjá hér að neðan.
😡 „𝗔 𝗠𝗘𝗦𝗦𝗜 𝗦𝗘 𝗟𝗘 𝗥𝗘𝗦𝗣𝗘𝗧𝗔“ 😡
💣 Aficionados del @FCBarcelona_es INCREPAN a GRIEZMANN a la salida de la Ciudad Deportiva pic.twitter.com/sXjANVLZbt
— GOL ⚽️ (@Gol) November 19, 2020
