„Tveir mismunandi hálfleikar,“ sagði Gylfi Þór Sigurðsson á Stöð2 Sport eftir 1-2 tap gegn Dönum í Þjóðadeildinni. Ísland tapaði á svekkjandi hátt gegn Danmörku í kvöld en Danir skoruðu sigurmark sitt úr vítaspyrnu í uppbótatíma. Hörður Björgvin Magnússon baðaði út höndunum þegar hann stökk upp í skallabolta og boltinn fór í hönd hans. Eriksen skoraði af öryggi og tryggði Dönum sigur.
Danir komust yfir eftir tólf mínútna leik með marki Christian Eriksen úr vítaspyrnu. Dómurinn var umdeildur en Ari Freyr Skúlason var dæmdur brotlegur fyrir litlar sakir. Viðar Örn Kjartansson jafnaði svo leikinn fyrir Ísland þegar um fimm mínútur voru eftir af leiknum, Viðar tók færið sitt vel eftir að hafa komið inn sem varamaður. Viðar fyrsti Íslendingurinn til að skora á Parekn síðan Hermann Gunnarsson gerði það í 14-2 tapinu árið 1967.
Í uppbótartíma kom svo sigurmarkið. „Að ná að jafna og þrjár mínútur eftir þá svekkjandi að fá á sig markið í uppbótartíma.“
Ísland átti ágætis frammistöðu í kvöld en liðið hafði misst af EM sæti á fimmtudag, svona segir Gylfi dagana á milli leikja hafa verið. „Já þetta er búið að vera mjög erfitt, einhverjir erfiðustu dagarnir á ferlinum. Við höfum upplifað mjög góða tíma síðustu ár, kannski of góðu vön síðustu árum. Dagarnir eftir leikinn voru mjög erfiðir, ágætt að fá leik sem fyrst. Reyna að halda áfram en ekki gleyma þessu,“ sagði Gylfi.
Gylfi verður ekki með gegn Englandi en það verður síðasta leikur Erik Hamren með liðið. „Þetta var minn síðasti leikur undir stjórn Hamren.“