Juventus vill losna við Cristiano Ronaldo næsta sumar ef marka má fréttir í erlendum fjölmiðlum. Andrea Pirlo er sagður vilja skoða þann kost til að fá betra jafnvægi í hóp sinn.
Ronaldo er með 28 milljónir punda í laun á ári (5 milljarðar íslenskra króna) en hann kom til Juventus sumarið 2018 og á tæp tvö ár eftir af samningi sínum. Ronaldo er með fimm sinnum hærri laun en næsti maður hjá Juventus sem er Paulo Dybala framherji frá Argentínu.
Nú berast svo fréttir af því að Manchester United vilji fá hann og Ronaldo sé spenntur fyrir því að snúa aftur. Ronaldo yfirgaf Manchester United árið 2009 og gekk í raðir Real Madrid.
Ronaldo fagnar 36 ára afmæli sínu í febrúar en hann hefur verið á meðal bestu knattspyrnumanna í heimi um langt skeið.
Svona gæti byrjunarlið United litið út með Ronaldo á næstu leiktíð.