Grannaslagur Everton og Liverpool í ensku úrvalsdeildinni er nú í gangi. Á 7. mínútu leiksins átti sér stað atvik sem hefur í kjölfarið verið talað mikið um.
Fabinho, leikmaður Liverpool, átti þá sendingu inn fyrir vörn Everton. Virgil Van Dijk náði til boltans en varð þá fyrir fólskulegri tæklingu frá markverði Everton, Jordan Pickford.
Rangstaða var dæmd á Van Dijk en margir eru á því að Pickford hefði þrátt fyrir það átt að fá rautt spjald fyrir tæklinguna.
Van Dijk þurfti í kjölfarið að fara meiddur af velli. Atvikið má sjá hér fyrir neðan:
Jordan Pickford tackle on Virgil van Dijk #EVELIV #PremierLeague pic.twitter.com/LRezoFj8M9
— noobfcb (@noobfcb) October 17, 2020