Allir leikmenn í hópi A landsliðs karla fyrir leikinn við Belgíu í kvöld hafa fengið neikvæða niðurstöðu úr Covid-skimun.
Allir leikmenn liðsins fóru í skimun seint í gærkvöldi eftir að í ljós kom að Þorgrímur Þráinsson, liðstjóri liðsins greindist með veiruna.
Allt starfslið landsliðsins er í sóttkví og missir af leiknum gegn Belgíu í kvöld en Arnar Þór Viðarsson og Davíð Snorri Jónasson stýra liðinu af hliðarlínunni.
Erik Hamren og Freyr Alexandersson verða þó á vellinum en verða í sér hólfi í glerbúrinu á vellinum og hitta engan.
Leikurinn við Belgíu er í Þjóðadeildinni og hefst klukkan 18:45 í kvöld.
Allir leikmenn í hópi A landsliðs karla fyrir leikinn við Belgíu í kvöld hafa fengið neikvæða niðurstöðu úr Covid-skimun, s.s. enginn smitaður og allir klárir í slaginn #fyririsland 👍⚽️🇮🇸 pic.twitter.com/afTRhToinv
— Knattspyrnusambandið (@footballiceland) October 14, 2020