Atletico Madrid færist skrefi nær því að fá Luis Suarez framherja Barcelona. Madrid hefur náð samkomulagi við Suarez um tveggja ára samning.
Fjölmiðlar á Spáni segja frá en nú vantar að Suarez fái sig lausan frá Barcelona eins og vonir standa til um. Barcelona vill losna við Suarez af launaskrá.
Börsungar eru að skera niður en Arturo Vidal er að fara frítt til Inter. Suarez var á óskalista Juventus en fær ekki ítalskt vegabréf, sökum þess getur Juventus ekki tekið hann.
Suarez gæti því endað í Madríd en Atletico reynir að losna við Diego Costa til að búa til pláss í leikmannahópi sínum.
Suarez er 33 ára gamall en Börsungar telja hann ekki hafa það sem til þarf lengur