Þórólfur Guðnason sóttvarnalæknir var gestur í Sprengisandi á Bylgjunni í dag og sagði þar að hann telji ekki tilefni til hertari aðgerða að svo stöddu. Ástæðan fyrir því er sú að mun færri greindust í gær en í fyrradag. Hann vill frekar halda áfram með það sem við lagt var upp með og byrjað á í gær og sjá síðan til.
„Við höfum reynt að gera þetta eins milt og hætt er. Ekki með of miklum fórnarkostnaði,“ sagði Þórólfur „Á meðan að veiran er ófyrirsjáanleg þá getum við ekki verið með fyrirsjáanleika í aðgerðum, því miður.“
Þá greindi Vísir frá því að Víðir Reynisson yfirlögregluþjónn væri kominn í sóttkví. „Ég var í samskiptum við einstakling í vikunni sem var talinn vera mjög smitandi þann dag sem ég hitti viðkomandi. Þar af leiðandi var ég settur í sóttkví samkvæmt þeim reglum sem við vinnum eftir,“ sagði Víðir sem verður því ekki á upplýsingafundi Almannavarna sem fer fram klukkan 14 í dag.
