Liverpool er mjög nálægt því að ganga frá kaupum á Thiago Alcantara miðjumanni FC Bayern fyrir 25 milljónir punda. Fjöldi enskra blaðamanna greinir frá.
Paul Joyce sem er vel tengdur Liverpool er einn af þeim sem segir frá, Liverpool kaupir Thiago sama hvort félagið selji miðjumann eða ekki. Thiago hefur verið orðaður við Liverpool síðustu vikur en hann hefur ekki viljað skrifa undir samning við FC Bayern. Thiago á bara ár eftir af samningi sínum.
Liverpool borgar 20 milljónir punda til að byrja með og 5 milljónir punda í bónusum.
Ætla má að Thiago hlaupi beint inn í byrjunarlið Liverpool en hverjum fórnar Jurgen Klopp? Enn eru ágætis líkur á að Barcelona kaupi Gini Wijnaldum en ef hann fer ekki verður samkeppnin talsverð.
Ensk blöð veðja á að Jurgen Klopp stilli upp þessu byrjunarliði ef Gini fer ekki.