Ummælum og spurningum var eytt af Facebook-síðu bakaría Jóa Fel í gær og hefur síðan legið niður síðan í gærkvöldi. Frá þessu greinir mbl.is
Spurningar og athugasemdir vörðuðu nýlegar fréttir af launagreiðslum og vanrækslu fyrirtækisins á að standa skil á lífeyrisgreiðslum starfsmanna undanfarið ár.
Ummælin voru skrifuð við auglýsingar bakarískeðjunnar um starfsfólk.
Fyrrverandi starfsmaður sagði í samtali við mbl.is að hann hafi verið í miklum samskiptum við VR vegna vanefnda Jóa Fel. Hafi starfsmaður VR ráðlagt viðkomandi að finna sér nýja vinnu.
„Konan sem ég talaði mjög mikið við sagði mér að reyna að finna vinnu og hlaupa eins hratt út og ég gæti, um leið og ég væri búin að fá vinnu, og ég gerði það,“ sagði starfsmaðurinn sem lenti í því að vera neitað um sjóðsfélagalán hjá Lífeyrissjóði verslunarmanna vegna vanskila bakarískeðjurnar á iðgjöldum.
Lífeyrissjóður verslunarmanna hefur krafist gjaldþrotaskipta bakaríanna vegna vanskila.
