Skosk hjúkrunarkona sem gengur undir nafninu Chloe greinir frá því í samtali við The Scottish Sun hvernig hún hefur notað næturvaktir sem afsökun til að halda framhjá eiginmanni sínum.

Chloe er 32 ára tveggja barna móðir sem hefur verið með eiginmanni sínum síðan hún var 16 ára. Hún segir að hún hafi verið að stunda kynlíf með öðrum mönnum til að fá spennu í líf sitt.

Hún segist hafa tekið pásu í framhjáhaldinu á meðan að heimsfaraldur Kórónaveiru var sem mestur, en nú sé hún byrjuð aftur, þegar að smitaðir á spítölum eru færri.

„Ég var orðin frekar þreytt á þessu og hélt að lífið hefðu upp á meira að bjóða. Ég hafði verið með eiginmanninum síðan við vorum í skóla. Við höfðum vaxið frá hvoru öðru og vorum á marga vegu mjög ólíkar manneskjur.“

„Hann langar alltaf að gera sama gamla og er mjög fastur í sínum þægindaramma. Á meðan er ég enn að leita að nýjum upplifunum, auk þess sem ég þarfnast frekari líkamlegrar athygli.“

„Við eigum tvö börn saman svo að ég myndi ekki segja að ég hygðist fara frá honum. Þá væri ég að ganga of langt. Mig langar bara í meiri spennu.“

Chloe segist fyrst og fremst hafa verið að halda framhjá með giftum tryggingasölumanni sem gengur undir nafninu Sean. Þau eiga að hafa kynnst á skyndikynnasíðunni IllicitEncounters.com.

„Ég hafði verið ótrú eiginmanni mínum nokkrum sinnum áður. Það hafði aðallega verið einnar nætur gaman, með gæjum sem ég hitt á næturklúbbum og börum. En með honum hófst alvöru framhjáhald. Við hittumst og fengum okkur drykk og svo fórum við á hótelið og stunduðum kynlíf.“

„Það var næs að finna aftur fyrir spennunni sem maður upplifir þegar maður deitar einhvern í fyrsta skipti. Þetta minnti mig á fyrstu stefnumót mín og eiginmanns míns. Við létum eins og táningar. Ég hef ekki kysst eiginmann á þann hátt í mörg ár.“

„Svo var kynlífið allt öðruvísi með Sean heldur en heima. Með honum var sérstakt tilefni og kynlífið var miklu betra og meira spennandi.“

„Við hittumst á tveggja vikna fresti og þá var alltaf eitthvað sem ég hlakkaði til að gera. Starfið mitt hentaði vel til að sinna þessu. Ég útskýrði fyrir eiginmanni mínum að ég væri á næturvakt, en svo eyddi ég nóttinni með hinum á hóteli. Og þar sem að ég er oft á næturvöktum þá grunar eiginmanninn ekkert.“

Chloe segist hafa þurft að slíta sambandi sínu með Sean þegar hann sagði henni að eiginkonan sín væri ólétt.

„Óléttan breytti öllu og ég sagði Sean að þetta væri búið.“

Hún segist þó vera byrjuð aftur á IllicitEncounters.com og er farin að spjalla við aðra menn. Hún segist vera að fara að hitta nýjan mann á næstunni.