Karlalið Hamars er nú komið í sóttkví en liðið gisti á sama gistiheimili og einstaklingur sem greindist síðar með COVID-19. Fótbolti.net greinir frá þessu.
Hamar, sem staðsett er í Hveragerði, lék gegn Samherjum á Hrafnagilsvelli fyrir norðan um síðustu helgi. Hamar leikur í C-riðli fjórðu deildarinnar þar sem liðið er í efsta sæti eftir að hafa unnið alla nema einn leik sinn.
