Watford er í hættu með að falla og vildi Mullins því eflaust sjá liðið sitt ná einhverjum árangri gegn sterku liði City í dag. Það gerðist þó heldur betur ekki þar sem Manchester City gjörsamlega valtaði yfir slappa Watford menn.
Raheem Sterling braut ísinn fyrir City á 33. mínútu. Manchester City fékk dæmda vítaspyrnu níu mínútum síðar og fór Sterling á punktinn en brenndi af. Hann náði þó að bæta upp fyrir mistökin þar sem hann náði frákastinu og skoraði úr því. Fleiri urðu mörkin ekki í fyrri hálfleik en á 63. mínútu skoraði miðjumaðurinn Phil Foden og kom City í þriggja marka forystu. Einungis fjórum mínútum síðar gerði varnarmaðurinn Aymeric Laporte út af við Watford með fjórða og síðasta marki leiksins.
Lokaniðurstaðan var því 0-4 fyrir City. Watford þarf að vonast eftir því að Aston Villa tapi sínum leik gegn Arsenal á eftir svo þeir eigi meiri möguleika á að halda sér uppi.