Ónefndur einstaklingur birti í dag færslu á sölusíðunni vinsælu Brask og brall.is, þar sem hann auglýsti á fimmta hundrað klámmynda á DVD, auk 9 tímarita, sem voru eflaust líka í klámfengin.

„Var að taka til í geymslunni og er með heilan helling af fullorðins myndum eða „bláum“ myndum til sölu fyrir áhugasama. Einnig er ég með nokkur tímarit.“

Að sögn einstaklingsins var um að ræða 412 DVD myndir. 152 í hulstrum og 260 í möppum. Þá sagðist hann einnig vera með 9 tímarit. Hann sagðist vilja fá 65 þúsund krónur fyrir allt heila klabbið.

„Snilld ef þetta gæti farið saman annars má DVD og blöð fara í sitthvoru lagi,“ sagði maðurinn í færslunni. Á mynd sem að var deilt með fréttinni má sjá tvo bunka af DVD-myndum, sem virðast vera ansi klámfengnar.

Færslan hefur vakið gríðarlega athygli, en henni að neðan hafa birst nánast 500 ummæli, en þau virðast nánast öll vera kaldhæðnisleg. Flestir sem skrifuðu ummæli tögguðu einhvern vin sinn og skrifuðu eitthvað á þessa leið: „vantar þig ekki eitthvað svona?“ eða „Þarftu ekki að bæta þessu í safnið?“

Skjáskot af færslunni hefur verið dreift um samfélagsmiðla og það vakið um mikla lukku, enda auglýsingin ekki sú allra venjulegasta.