Þrír leikir fóru fram í Pepsi Max deild kvenna í kvöld. FH tók á móti ÍBV, Fylkir bauð Stjörnunni í Árbæinn og KR keppti við Þrótt Reykjavík.

ÍBV fékk þrjá mikilvæga punkta eftir leikinn í Árbænum. Bæði Fylkir og ÍBV voru með 3 stig á botninum fyrir leikinn og því ganga ÍBV-konur eflaust sáttar frá borði eftir 0-1 sigur en Olga Sevcova skoraði sigurmarkið fyrir ÍBV í fyrri hálfleik..

Fylkir og Stjarnan áttust við í Árbænum í dag en þar braut Eva Rut Ástþórsdóttir ísinn fyrir Fylki með marki á 33. mínútu. Arna Dís Arnþórsdóttir jafnaði metinn fyrir Stjörnuna þegar 10 mínútur voru liðnar af seinni hálfleik. Á 70. mínútu fékk Shameeka Nikoda Fishley í Stjörnunni að líta rauða spjaldið. Fylkir náði að nýta leikmannamuninn og skoraði Bryndís Arna Níelsdóttir sigurmarkið á 86. mínútu. Lokaniðurstaðan 2-1 fyrir Fylki.

Í Vesturbænum leit allt út fyrir að Þróttur myndi ferðast til baka í Laugardalinn með 3 punkta í farteskinu en Ólöf Sigríður Kristinsdóttir kom þeim yfir á 75. mínútu. Þróttarar voru yfir allt fram á síðustu stundu en þá náði Hlíf Hauksdóttir að pota boltanum inn og stela í leiðinni stigi úr leiknum. Endaði leikurinn 1-1.