Í seinustu viku var karlmaður dæmdur í tólf mánaða fangelsi, þar af níu mánuði skilorðsbundna í Héraðsdómi Reykjavíkur.

Maðurinn var dæmdur fyrir að hafa annars vegar hótað barnsmóður og fyrrverandi eiginkonu sinni lífláti í gegnum tölvupóst. Þá var hann einnig sakfelldur fyrir að brjóta nálgunnarbanni gagnvart konunni, en hann sendi henni gífurlegt magn af tölvupóstum. Vegna nálgunarbannsins mátti maðurinn ekki setja sig í samband við konuna.

Fyrri ákæran varðaði brot í nánu sambandi, þar sem að hann hótaði henni lífláti þann 19. maí 2019. Þetta gerði hann með því að senda henni tölvupóst þar sem að stóð „Ég ætla að stúta þér“. Í dómnum segir:

„Hótað henni lífláti, sem var til þess fallið að vekja hjá henni ótta um líf sitt og velferð,“

Hitt brotið varðaði líkt og áður segir ítrekaðar tölvupóstsendingar til konunnar sem að var með nálgunarbann á hann. í dómnum er minnst á 42 tölvupósta sem hann sendi henni á tveimur tímabilum. Annars vegar frá 30. maí til 6. júní 2019 og hins vegar 30. desember 2019 til 29. Janúar 2020.

Maðurinn játaði brot sín og var líkt og áður segir dæmdur í tólf mánaða fangelsi, þar af níu mánuði skilorðsbundna. Fram kemur að maðurinn sæki nú meðferð hjá Geðlækni.