Margar Hollywood stjörnur eiga sér tvífara. Líkindin geta stundum verið ótrúleg og vekja tvífararnir oft mikla athygli meðal fólks. Hér að neðan eru nokkur dæmi.

Ariana Grande er þekktust fyrir söng sinn. Margir myndu halda þegar þeir líta á þessa mynd að þetta sé Ariana sjálf en þessi stúlka heitir Jacky Vasques.

Jacky er hæstánægð með að vera líkt við stjörnuna og segir „Þetta ýtir svo undir sjálfstraust mitt, ég elska Ariönu og hún er svo falleg.“

Angelina Jolie er heimsfræg en hin skoska Charlie Marr er með eindæmum lík leikkonunni.

Söngvarann Ed Sheeran þekkja flestir en þessi 2 ára stúlka að nafni Isla gæti verið dóttir hans. Svo lík honum er hún að Ed tók fram í Good Morning Britain: „Ég á hana ekki!“

Leikkonan Scarlet Johansen á sér tvífara sem er hin 72 ára gamla Geraldine Dodd.  Geraldine (til vinstri) var 22 ára þegar þessi mynd var tekin og var það reddit-notandi sem setti þessi mynd á netið eftir að hafa tekið eftir ótrúlegum líkindum kvennanna tveggja.

Gigi Hadid er farsæl fyrirsæta en á keppinaut í hollensku fyrirsætunni Izu Ijzerman sem þykir afar lík Gigi.

Leik og söngkonan Jennifer Lopez er alltaf í hörku formi. En myndin til hægri er alls ekki af J-Lo heldur vaxtarræktarkonunni Janice Gray frá Houston.

Sjónvarpskynnirinn Steve Harvey hló dátt þegar hann hitti prestinn Oden og sagði: „Þetta er myndarlegri útgáfa af mér“.

Taylor Swift er ein ástsælasta söngkona Bandaríkjanna. April Gloria vakti athygli á samfélagsmiðlum fyrir að vera lík Swift.

Flest þekkjum við Leonardo Dicaprio fyrir leik sinn í myndinni Titanic. Er maður horfir á þessar tvær myndir getur maður ekki betur séð en að Dicaprio sé á þeim báðum. Svo er ekki en vinstra megin er hinn sænski Konrad Annerud.

Söngkonan Rihanna var sjálf hissa þegar hún sá hversu lík þessi unga stúlka væri henni. Í færslu á Instagram skrifaði söngkonan: „Missti næstum því símann minn. Hvernig?“

Ariana Grande á sér fleiri en einn tvífara. TikTok stjarnan Page Niemann hefur vakið mikla athygli fyrir hversu lík hún er söngkonunni ungu.

Söngvarinn Harry Styles er vinsæll hjá kvenþjóðinni og fór myndband af Starbucks-starfsmanninum Sean um internetið eins og eldur í sinu vegna þess hversu líkur hann er hjartaknúsaranum Styles.