Boðað hefur verið til upplýsingafundar klukkan 14:00 í dag. Almannavarnadeild ríkislögreglustjóra boðar til fundarins. Þórólfur Guðnason sóttvarnarlæknir, Alma D. Möller landlæknir og Víðir Reynisson yfirlögregluþjónn fara yfir stöðu mála varðandi opnun landamæra og COVID-19 hér á landi.
Hópsmit hefur komið upp á höfuðborgarsvæðinu sem hefur meðal annars haft áhrif á íslenska knattspyrnu. Smit hafa meðal annars komið upp í efstu deildum karla og kvenna í knattspyrnu eins og DV hefur greint frá. Leikjum hefur verið frestað vegna þessa.
