Arsenal er byrjað að taka til í rekstri sínum vegna kórónuveirunnar. Ensk blöð segja frá því að félagið sé að skoða það að skera niður kostnað.

Arsenal hefur ákveðið að losa sig við tíu starfsmenn í unglingastarfi félagsins.

Allir starfsmennirnir sáu um að finna framtíðar leikmenn fyrir félagið og búast má við meiri niðurskurði hjá Arsenal.

Enska úrvalsdeildin fer aftur af stað 17 júní en Arsenal er það félag sem fær mest inn á leikdegi og finnur því fyrir veirunni.

Búið er að láta þessa starfsmenn vita að þeir fái ekki lengri samning hjá félaginu og láti af störfum í júní.