Hollenska samfélagsmiðlastjarnan Nikkie de Jager, betur þekkt sem NikkieTutorials, ræðir við Daða Frey fyrir YouTube-rás Eurovision.
Nikkie átti að vera netkynnir Eurovision í ár. En þar sem keppninni var frestað sér hún um að ræða við alla þá keppendur sem áttu að taka þátt í Rotterdam í ár.
Þau áttu mjög skemmtilegt samtal og tókst Nikkie að bera fram nafn Daða með glæsibrag.
Daði sagði meðal annars frá því að hann væri til í að taka þátt í Eurovision á næsta ári ef hann yrði beðinn um það, hann vill hins vegar ekki taka þátt í Söngvakeppninni að ári liðnu.