Leit björgunarsveita að Söndru Líf Þórarinsdóttur Long hefur verið hætt í dag. Kemur þetta fram á vef RÚV.

DV hefur ekki náð í lögreglu vegna málsins seinni partinn í dag en ákvarðanir um framhald leitar eru í höndum lögreglu.

Ekkert hefur spurst til Söndru Lífar síðan síðdegis á skírdag. Bíll hennar fannst við Kasthúsatjörn á Álftanesi í gærmorgun.

Sandra Líf er 27 ára gömul, einhleyp, og nemur þjóðfræði við Háskóla Íslands auk þess að starfa sem þjónn.

Fram kom í frétt á vef Mannlífs í dag að lögreglu hafa ekki borist neinar vísbendingar um að hvarf Söndru kunni að hafa borið að með saknæmum hætti.