Martina Colombari, fyrrum fegursta kona Ítalíu segir að kynlíf með eiginmanni sínum, Alessandro Costacurta sé búið að eyðileggja á henni hnén.

Costacurta átti farsælan feril sem atvinnumaður í knattspyrnu og gerði garðinn frægan með AC Milan. Hann lék með Milan í 19 ár en lagði skóna á hilluna árið 2007.

Colombari var kjörinn fegursta kona Ítalíu árið 1991 en hún og Costacurta giftu sig árið 2004, sama ár og sonur þeirra fæddist.

,,Kynlífið með Costacurta hefur orsakað það að ég er með ónýt hné,“ sagði Colombari í viðtali við ítalska fjölmiðla.

,,Þetta hefur haft talsverð áhrif á mig að vera með stanslausa verki.“